You should have stayed home filmean, Aline Juarez zinemagile mexikarrak kontatuko digu nola atxilotu zuen Berlingo poliziak 2020ko apirilean, Alemanian egindako armak esportatzearen aurkako ekitaldi artistiko bat egiten ari ziren ingurunean. Bizi izan zituen arrazakeriaz eta sexismoaz hitz egingo digu, eta ezintasun-, ahulezia- eta amorru-sentimenduei aurre egingo die. Filma autoafirmazio-dokumentu intimoa da, eta estatuko indarkeriaren, diskriminazioaren eta botere-abusuaren aurkako protesta bat. Baina, era berean, kikiltzen ez uzteko, aurre egiteko eta antolatzeko deia ere bada.