María Felícita López lenca komunitate indigenako gazte bat da eta La Paz departamenduan bizi da, Honduras mendebaldean. Haren bizitza giza eskubideen aldeko borrokan oinarritzen da. Movimiento Independiente Indígena Lenca de La Paz-Honduras (MILPAH) mugimenduaren buru gisa, bere lurraldeko baliabide naturalak Estatuaren konplizitatearekin ustiatu nahi dituzten enpresen azpiegitura-proiektu handien aurka egiten du. Emakume gisa, genero-berdintasuna, emakume indigenen duintasuna eta berak bere azalean jasandako indarkeria matxistaren aurkako borroka sustatzen ditu. Gatazka larriak bizi dituen ingurune batean bizi da eta jaso dituen heriotza-mehatxuek ez dute beldurtzen. Bizirik dagoen bitartean oihuka jarraituko du, helburu bakar baten bila: justizia.