Hijas del Barrio 2021eko urtarrila eta apirila bitartean Irudi eta memoria laborategian Otxarkoagako emakume talde batekin eginiko lanaren emaitza da. Denbora-tarte horretan, astean behin lantegi bat egiteko bildu gara eta Hijas del Barrio sortu dugu: argazki-instalazio bat kalean eta ikus-entzunezko pieza bat. Horrela, Otxarreko emakumeen memoria kolektiboa osatzen duten istorio eta oroitzapen pribatuen mapa bat eratu dugu, argazkia eta bideoa erabilita. Ideia hori irudia baliatuko zuen esku hartzeko metodologia bat sortzeko beharretik etorri zen, horren bitartez norberaren memoria eta memoria kolektiboa lantzeko, familiako albumak eta artxibo pertsonalak baliatuta, eta bigarren mailan geratu diren etxeko eta eguneroko kontakizunei balioa emateko.