«Oro Rojo» (Urre gorria) animaziozko film labur dokumental bat da. Filma Huelvan marrubiak biltzen dituzten emakume marokoarren protestan oinarritzen da, eta gatazkaren dimentsio estrukturalari dei egiten dion kontakizun polifoniko bat eraikitzen du. Kontaera 3 emakumeren ahotsetatik abiatuta eraikitzen da. Haietako bakoitzak, bere errealitatearen ikuspegitik, zenbait gai izango ditu hizpide: migrazio-politikak, iparraldetik hegoaldera nagusi den estraktibismo globalaren aurkako borroka, arraza-kapitalismoa eta tokiko aliantzak. Hori horrela, gatazkaren konplexutasunaz eta haien ordezkaritzaz hausnartzen lagunduko digute.