Ura nola eskuratu asmatu nahian dihardute berotze globala pairatzen duen Tatiste herrian, Nigerreko iparraldean. Uraren bila joaten dira, egunero, hamalau urteko Houlaye mutikoa eta beste asko, eta kilometro asko egin behar izaten dituzte; izan ere, ezinbestekoa du ura haien herriak. Eguneroko eginkizun hori dela eta, besteak beste ez daukate eskolara joaterik. Bestalde, urik ezak herritik alde egitera ere bultzatzen du jende heldua, urtero, mugaz haraindi bilatzeko bizirik irauteko behar dituzten baliabideak. Kontua da milaka kilometro karratuko lurpeko laku bat dagoela inguru horretan. Putzu bat behar dute, besterik ez, herriko plazara ura eramateko eta biztanle guztiek bizimodu hobea izateko