Ospitalean tratu desegokia jaso eta erditzean baimenik gabe eginiko episiotomia baten ondorioak jasan ondoren, Iria Pinheiro aktoreak izapide judizialak abiarazi zituen Galiziako Osasun Zerbitzuaren aurka. Baina, prozesu legal konplexu eta garestiaren aurrean adorea galdurik, antzerkigintza bilakatu zuen babesleku eta salaketarako bide. Entseguetan eta antzezlaneko eszenetan oinarrituta, Pinheirok bere berri kontatzen du, eta parodia erabiltzen du ezkutuko errealitate horri ikusgarritasuna emateko.