Lemoizko zentral nuklearrak ezabatu egin ditu Basordasko kala eta haren ingurua euskal kostaldeko geografiatik. Orain hamarkada batzuk, paradisu txiki bat zen; belaunaldi berriek ezin izan dute ezagutu.

Zentrala eraikitzeko prozesua dramatikoa izan zen: manifestazio jendetsuak, errepresioa, sabotajeak eta atentatuak. Hura izan zen lehen talde antinuklearren eta ekologisten jatorria. 1982an obrak gelditu zituzten. Ingurua militarizatu eta degradatu egin zen. Valentín Elorteguik zentrala ondare industrial eta kultural bihurtzea proposatzen du.