2013ko azaroan, desagertutako 8 beduinoren hilobiak aurkitu eta 5 hilabete geroago, Euskal Herriko Unibertsitateak, Hegoa institutuak eta Aranzadi Zientzia Elkarteak osatutako taldea Sahara mendebaldera itzuli zen euren senitartekoei hildakoen hondarrak hilobitik atera eta itzultzeko. Dokumental honek (“La semilla de la Verdad”, Egiaren Haziaren jarraipena dena) ordura arte desagertuta zeuden senitartekoen dolu-egunak erakusten dizkigu. Taldeak hilobi gehiago aurkitu zituen pertsonen aurkako minen harresi eta gunetik hurbil. Oraindik orain, 400 pertsona baino gehiago dira desagertuta daudenak Sahara Mendebaldean.