Sonkok, egunero bezala, Kariobangi-ko (Nairobi) slum-a gurutzatu du, bota bakeroak eta txano gorria soinean, entrenamendurako bidean. Bizitza ez da samurra Kariobangi bezalako tokietan, are gutxiago neskei eta emakumeei dagokienez. Pobrezia, krimenak, drogak, bortxaketak. “Neska indartsuak, komunitate seguruak” da euren leloa. Ez da autodefentsa hutsa. Lau soken arteko kirolean bizitzak lapurtutako konfi antza, motibazioa, autoestimua eta anbizioa aurkitzen dute, euren burua ahaldundu eta, halaber, komunitateetan baikorki eragin.