¿Viejos? (Zaharrak?) film labur-dokumentalean, adin eta profil ezberdinetako berrogeita hamar lekukok bizitzako etapa horretan zahartzaroari eta zoriontasunari buruz duten ikuspegi pertsonala emango digute, erantzun ausart eta dibertigarrien bitartez. Haur baten ustez, zerk egingo dio zoriontsu zahartzaroan? Eta zaharrei zerk ematen die benetan zoriontasuna? Oraingo honetan, “zahar” talde bat klaketa hartu eta kameren atzean jarri da, frogatzeko zahartzaroa ez dela adin kontua, jarrera-kontua baizik.