Bari Fatimatah ginearraren eta Kone Mohamed bolikostarraren bizipen pertsonalaren bidez, “Tras la valla” dokumental laburrak Marokora bizimodu hobe baten bila iristen diren etorkinen egoera zaila erakusten digu. Migrazio-politiken kritika ere bada lan hau, azken urteotan gogortu egin baitira etorkinak Europara iristea geldiarazten saiatzeko politika horiek, helbururik lortu gabe. Gaur egun, oso gutxi dira, egia esan, pertsona horiek beren oinarrizko eskubideak bermatuta dituztela ziurtatzeko lan egiten duten tokiko erakundeak.